檸檬柚子芝士蛋糕

嘩！佢地又出新口味，想食窮我地咩?

冇錯，又有新野啦，不過今次呢隻唔係期間限定，佢會加入我地長期系列。

新出檸檬柚子芝士蛋糕，會同藍莓一樣都都係清新口味為主。檸檬柚子就比較酸酸甜甜，解滯開胃。

用左我地新創嘅自家製香脆牛油餅底，食落香脆口感。中間都係我地隻招牌芝士蛋糕身。上面夾左層自家造嘅檸檬柚子啫喱，然後先抹上我地標誌忌廉層。最後，再加左隻自家製嘅檸檬柚子醬。

如果有用心睇，上面有三層都係自家造。原因係等我地可以係個味道同口感上有100% 嘅控制，微微調出完美嘅比例。

精心調配五層次，一啖食出完美嘅體驗。

*所有圖片只供參考*

- 本產品含麥類，麩質，堅果種子類，奶類，蛋類製品，可能導致過敏症狀。
- 這個產品的生產工廠及其生產線設備，會處理含有小麥、麩質、堅果、種子、牛奶、蛋和豆類的產品。
- 本產品不適合孕婦食用
- 腸胃較差或對牛奶或乳製品不適人士請慎用 。

- 保質期：3天內食用 (Cheesy 建議第一日食完佢! 第二日起質地會變差)
- 儲存方式：雪櫃存放 (0-4度)